KNTEO സംസ്ഥാന സമ്മേളനം Feb. 25, 26 തിയ്യതികളിൽ ... മലപ്പുറം കോട്ടക്കലിൽ.

സുഹൃത്തേ...
എയ്ഡഡ് വിദ്യാഭ്യാസമേഖലയിലെ അനദ്ധ്യാപക ജീവനക്കാരുടെ കരുത്തുറ്റ സംഘടനയായ കേരള നോൺ ടീച്ചിങ്ങ് എംപ്ലോയീസ് ഓർഗനൈസേഷന്റെ ആറാം സംസ്ഥാന സമ്മേളനം 2017 ഫെബ്രുവരി 25, 26 തിയ്യതികളിൽ കോട്ടക്കൽ ജി. ആർ.എച്ച്.എസ്.എസ് ഓഡിറ്റോറിയത്തിൽ വെച്ചു നടക്കുകയാണ്. കേന്ദ്ര സർക്കാറിന്റെ സാമ്പത്തിക നയവും വിദ്യാഭ്യാസ മേഖലയിലെ അതി തീവ്ര കാവിവത്ക്കരണവും ഇന്ത്യാ രാജ്യത്തെ വലിയ പ്രതിസന്ധിയിൽ ആക്കിയിരിക്കുകയാണ്. കഴിഞ്ഞ യു,ഡി.എഫ് സർക്കാർ വികലമാക്കിയ പൊതുവിദ്യാഭ്യാസമേഖലയെ കേരളത്തിലെ ഇടതുപക്ഷ സർക്കാർ പുനരുജ്ജീവിപ്പിച്ചുവരുന്ന സാഹചര്യത്തിലാണ് നമ്മുടെ സമ്മേളനം നടക്കുന്നത്. എയ്ഡഡ് വിദ്യാഭ്യാസ മേഖലയിലെ അനദ്ധ്യാപക ജീവനക്കാർ ഒട്ടനവധി പ്രശനങ്ങൾ നേരിടുന്ന സാഹചര്യങ്ങൾ ചർച്ചചെയ്യുവാൻ  സമ്മേളനം ഉപകരിക്കും 25, 26 തിയ്യതികളിൽ നടക്കുന്ന സംസ്ഥാന സമ്മേളനം വിജയിപ്പിക്കുവാൻ നല്ലവരായ എല്ലാ ആളുകളും സഹകരിക്കണമെന്ന്  അഭ്യർത്ഥിക്കുന്നു...

PAY REVISION ARREARS CALCULATOR SOFTWARE

പത്താം ശമ്പള പരിഷ്കരണത്തിന്റെ അടിസ്ഥാനത്തില്‍ പരിഷ്കരിച്ച ശംബള കുടിശ്ശിക നാല് ഗഡുക്കളായി നല്‍കുമെന്നാണല്ലോ  പ്രഖ്യാപിച്ചിരിക്കുന്നത്. ഇതിന്റെ പ്രാരംഭ പ്രവര്‍ത്തനങ്ങള്‍ക്കുള്ള സര്‍ക്കുലറും വിദ്യാഭ്യാസ വകുപ്പ് പുറപ്പെടുവിച്ചിട്ടുണ്ട്.  ഇതിന്റെ ഭാഗമായി ഓരോ ക്വാര്‍ട്ടറിലും ലഭിക്കേണ്ട തുക പലിശ സഹിതം കണക്കാക്കി(സറണ്ടര്‍ വാങ്ങിയതുള്‍പ്പെടെ) തയ്യാറാക്കി നല്‍കുന്നതിന് ധനകാര്യവകുപ്പ് നിര്‍ദ്ദേശം പുറപ്പെടുവിച്ചിട്ടുണ്ട് .  ഓരോ ജീവനക്കാരനും 2014 ജൂലൈ  മുതല്‍ 2016 ജനുവരി വരെയുള്ള 18 മാസങ്ങളിലെ അരിയറും പ്രസ്തുത കാലയളവില്‍ വാങ്ങിയ സറണ്ടറിന്റെയുമാണ് കുടിശിക ലഭിക്കുക. ഈ തുകയ്ക്ക് 8.75% നിരക്കില്‍ പലിശയും കണക്കാക്കി അതിനെ നാല് ക്വാര്‍ട്ടറിലും ലഭിക്കുന്ന തുക എത്രയെന്ന് കണക്കാക്കി നിശ്ചിത മാതൃകയില്‍ നല്‍കണമെന്നാണ് നിര്‍ദ്ദേശം. സര്‍ക്കുലറിന്റെ പൂര്‍ണ്ണരൂപം ചുവടെ. ഈ പ്രവര്‍ത്തനങ്ങള്‍ പൂര്‍ത്തീകരിക്കുന്നതിന് സഹായിക്കുന്ന ഒരു സോഫ്റ്റ്‌വെയര്‍ പരിചയപ്പെടുത്തുന്നു. ചുവടെയുള്ള ലിങ്കില്‍ നിന്നും ഈ സോഫ്റ്റ്‌വെയര്‍ ഡൗണ്‍ലോഡ് ചെയ്യാവുന്നതാണ്. വിന്‍ഡോസില്‍ പ്രവര്‍ത്തിക്കുന്ന ഈ സോഫ്റ്റ്‌വെയര്‍ പ്രവര്‍ത്തിപ്പിക്കുന്നതിന് സേവ് ചെയ്ത ഫയലിനെ Extract ചെയ്യുമ്പോള്‍ ലഭിക്കുന്ന ഫോള്‍ഡറില്‍ നിന്നും സോഫ്റ്റ്‌വെയര്‍ ഡബില്‍ ക്ലിക്ക് ചെയ്ത് ഓപ്പണ്‍ ചെയ്യാവുന്നതാണ്. Username , Password അവയായി admin എന്ന് നല്‍കിയാല്‍ മതി. മറ്റ് പല സോഫ്റ്റ്‌വെയറുകളിലും നല്‍കിയതില്‍ നിന്നും വ്യത്യസ്ഥമായി ഇവിടെ 2014 ജൂലൈ മുതലുള്ള ഓരോ മാസത്തെയും പഴയതും പുതിയതുമായ ബേസിക്കുകള്‍ നല്‍കേണ്ടതില്ല. പേ റിവിഷന്‍ കണക്കാക്കുന്നതിന് നല്‍കിയ വിവരങ്ങള്‍ മാത്രം നല്‍കിയാല്‍ മതി. ആദ്യമായി സോഫ്റ്റ്‌വെയര്‍ ഡൗണ്‍ലോഡ് ചെയ്തതിന് ശേഷം Office Settings എന്ന മെനുവിലെ വിവരങ്ങള്‍ എഡിറ്റ് ചെയ്ത് വിദ്യാലയത്തിന്റെ വിവരങ്ങള്‍ നല്‍കി സേവ് ചെയ്യുക.തുടര്‍ന്ന് Employee Details എന്ന മെനുവിലൂടെ ഓരോ ജീവനക്കാരുടെയും 2014 ജൂലൈ മാസത്തെ അടിസ്ഥാനമാക്കിയുള്ള വിവരങ്ങള്‍ നല്‍കി സേവ് ചെയ്യുക. തുടര്‍ന്ന് Search Employee എന്ന ബോക്സില്‍ നിന്നും ജീവനക്കാരനെ സെലക്ട് ചെയ്ത് Go ബട്ടണ്‍ അമര്‍ത്തിയാല്‍ സേവ് ചെയ്ത വിവരങ്ങള്‍ ദൃശ്യമാകും. Calculate എന്ന ബട്ടണ്‍ അമര്‍ത്തിയാല്‍ ലഭിക്കുന്ന പുതിയ പേജില്‍ Employeeയെ തിരഞ്ഞെടുത്ത് Arrear എന്ന ബട്ടണില്‍ അമര്‍ത്തിയാല്‍ അരിയറിനാവശ്യമായ വിവരങ്ങള്‍ ഉള്‍പ്പെടുത്തുന്നതിന് പുതിയ ജാലകം ലഭിക്കും. ഈ ജാലകത്തില്‍ Leave Details എന്ന ബട്ടണ്‍ ഉപയോഗിച്ച് ഓരോ ജീവനക്കാരനും 2014 ജൂലൈ 1 മുതല്‍ 2016 ജനുവരി വരെ എടുത്ത LWA/HPL എന്നിവയോ Strike ഓ ഉണ്ടെങ്കില്‍ അവയുടെ From- To തീയതികള്‍ നല്‍കി Add അമര്‍ത്തുക. Exit Button അമര്‍ത്തി പഴയ ജാലകത്തില്‍ വന്ന് Surrender Details എന്ന ബട്ടണ്‍ അമര്‍ത്തി സറണ്ടര്‍ വിശദാംശങ്ങള്‍ നല്‍കണം. തുടര്‍ന്ന് Encashment Details നല്‍കി Add ചെയ്യുക. ഈ വിവരങ്ങള്‍ നല്‍കിയതിന് ശേഷം Head of Account നല്‍കി Calculate എന്ന ബട്ടണ്‍ അമര്‍ത്തുന്നതോടെ Arrear Calculation പൂര്‍ത്തിയായിട്ടുണ്ടാവും. തുടര്‍ന്ന് Arrear Proforma എന്ന ബട്ടണ്‍ വഴി അരിയര്‍ പ്രൊഫോര്‍മയും Due Drawn Statement ബട്ടണുപയോഗിച്ച് സ്റ്റേറ്റ്‌മെന്റും ലഭിക്കും

ഇതുമായി ബന്ധപ്പെട്ട സര്‍ക്കാര്‍ ഉത്തരവിന്   ഇവിടെ ക്ലിക്ക് ചെയ്യുക

സോഫ്റ്റ്‌വെയര്‍ ഇവിടെ നിന്നും ‍ഡൗണ്‍ലോഡ് ചെയ്യാവുന്നതാണ്.
(Direct Editing എന്ന ബട്ടണ്‍ ഉപയോഗിച്ച് എഡിറ്റിങ്ങ് നടത്തുന്ന അവസരത്തില്‍ Runtime Eror എന്ന മെസ്സേജ് വന്നാല്‍ ഇവിടെ നിന്നും ലഭിക്കുന്ന ഫയല്‍ ഇന്‍സ്റ്റാള്‍ ചെയ്താല്‍ മതി)

സര്‍ക്കാര്‍ ജീവനക്കാരുടെ സ്വത്ത് വിവരം: ഓണ്‍ലൈന്‍ വഴി പത്രിക സമര്‍പ്പണം നടത്തണം

സര്‍ക്കാര്‍ ജീവനക്കാരുടെ സ്ഥാവര വസ്തുക്കളും, മറ്റ് നിക്ഷേപങ്ങളും സംബന്ധിച്ച വാര്‍ഷിക പത്രികാ സമര്‍പ്പണം ഓണ്‍ലൈന്‍ വഴി നടത്താന്‍ നിര്‍ദ്ദേശിച്ച് സര്‍ക്കാര്‍ സര്‍ക്കുലര്‍ പുറപ്പെടുവിച്ചു. സെക്രട്ടറിയറ്റ് ജീവനക്കാര്‍, 2016 ലെ പത്രികാ സമര്‍പ്പണം 2017 ജനുവരി 1 മുതല്‍ ജനുവരി 15 നകം ഓണ്‍ലൈന്‍ (www.Spark.gov.in/webspark) വഴി നടത്തണമെന്ന് പൊതുഭരണ വകുപ്പ് അറിയിച്ചു. ഇതു സംബന്ധിച്ച വിവരങ്ങള്‍ 30.12.2016 ലെ 1048383/എസ്.എസ്.3/16/പൊ.ഭ.വ നമ്പര്‍ സര്‍ക്കുലറിലും വിശദമാക്കിയിട്ടുണ്ട്. കൂടുതല്‍ വിവരങ്ങള്‍ക്ക് സെക്രട്ടേറിയറ്റിലെ സ്‌പെഷ്യല്‍ സെക്രട്ടറി (നോണ്‍ ഐ.എ.എസ്/അഡീഷണല്‍ സെക്രട്ടറി/ജോയിന്റ് സെക്രട്ടറി റാങ്കിലുളള ഉദ്യോഗസ്ഥര്‍ (ഇപ്പോള്‍ ഡെപ്യൂട്ടേഷനിലുളളവര്‍ ഉള്‍പ്പെടെ) പൊതുഭരണ (എസ്.സി) വകുപ്പിലും (ഫോണ്‍: 0471-2518531,0471-2518223) പൊതുഭരണ, നിയമ, ധനകാര്യ സെക്രട്ടേറിയേറ്റിലെ പാര്‍ട്ട്‌ടൈം കണ്ടിജന്റ് ജീവനക്കാര്‍ ഒഴികെ ഡെപ്യൂട്ടി സെക്രട്ടറി റാങ്ക് വരെയുളള ഉദ്യോഗസ്ഥര്‍ (ഇപ്പോള്‍ ഡെപ്യൂട്ടേഷനിലുളളവര്‍ ഉള്‍പ്പെടെ) പൊതുഭരണ (എസ്.എസ്) വകുപ്പിലും (ഫോണ്‍: 0471-2518339,0471-2327559) ബന്ധപ്പെടണം).